Ўзбекистон Республикаси Вазирлар Маҳкамаси ҳузуридаги “Оила” илмий-амалий тадқиқот маркази, Германия халқ университетлари ассоциацияси (DVV) нинг Ўзбекистондаги филиали кўмагида, 2019 йил охирида эмпирик тадқиқот ўтқазди.

Тадқиқотнинг асосий вазифалари қуйидагиларни аниқлашдан иборат эди: аҳолининг расмий, норасмий таълимда ва информал ўқишида иштирок этиш даражаси; ўқув фаолиятининг хусусиятлари; ўқиш сабаблари; ўқишга бўлган тўсиқлар: таълим олиш имкониятлари тўғрисидаги маълумотлардан фойдаланиш; молиялаштириш манбалари ва бошқалар.

Тадқиқот натижалари “Ўзбекистонда катталар таълими ва ўқишида иштироки” номили ҳисоботда тақдим этилди.

Ҳисобот қарор қабул қиладиган шахсларга, шунингдек кенг доирадаги мутаххасислар ва манфаатдор томонларга катталар таълими ва ўқишини илгари суриш бўйича сиёсатни янада ривожлантириш учун қаратилган (қўшимча маълумотни юклаб олиш).

Ушбу ҳисобот Ўзбекистондаги катталар таълими ва ўқиши ҳолати тўғрисидаги миллий маърузанинг асоси бўлиб, уни жорий йил охирига қадар манфаатдор шерикларни жалб қилган ҳолда якунлаш режалаштирилган.