БМТ нинг Ўзбекистондаги офиси

Ўзбекистон Бирлашган Миллатлар Ташкилотига 1992 йил янги суверен, мустақил давлат сифатида аъзо бўлди. Бир йилдан сўнг Тошкентда БМТ ваколатхонаси очилди. Ўзбекистонда БМТ Тараққиёт дастури (БМТ ТД), Аҳолишунослик жамғармаси (ЮНФПА), Болалар жамғармаси (ЮНИСЕФ), Жаҳон соғлиқни сақлаш ташкилоти (ЖССТ), Таълим, фан ва маданият масалалари бўйича ташкилоти (ЮНЕСКО), Наркотиклар ва жиноятчилик бўйича бошқармаси (БМТ НЖБ), ОИВ/ОИТС бўйича бирлашган дастури (ЮНЕЙДС), Гендер тенглиги ҳамда аёллар ҳуқуқ ва имкониятларини кенгайтириш масалалари бўйича тузилмаси (БМТ - аёллар), Марказий Осиёда Превентив дипломатия минтақавий маркази, Халқаро меҳнат ташкилоти (ХМТ), БМТнинг озиқ-овқат ва қишлоқ ҳўжалиги ташкилоти, ҳамда БМТ ТД раҳбарлиги остида БМТ кўнгиллилар дастури ваколатхоналаридан ташкил топган.

Ташкилот фаолиятига, шунингдек, мамлакатда ваколатхоналари бўлмаган агентликлар, жумладан БМТнинг Саноатни ривожлантириш ташкилоти, Атроф-муҳитни муҳофаза қилиш дастури ва БМТнинг Европа иқтисодий комиссияси кўмак бермоқда. Жаҳон банки ҳам мустақил ихтисослашган муассаса сифатида БМТнинг Ўзбекистондаги фаолиятига муҳим ҳисса қўшиб келмоқда.

БМТнинг Ўзбекистондаги фаолияти  тараққиётга кўмак дастури (ЮНДАФ)га асосланган бўлиб, бу дастур миллий ҳамкорлар ва БМТ ўртасидаги 2016 йилдан 2020 йилгача бўлган даврни ўз ичига камраб олувчи стратегик хужжат ҳисобланади. Ушбу дастур БМТ агентликларининг билим ва техник ёрдам маблагларини тараққиёт мақсадларига эриши йўлида сарфлашга бўлган интилишларига асосланади.  

ЮНДАФ 2016-2020 дастурининг асосий тематик йўналишлари:

  • Иш билан таъминлаш, ижтимоий ҳимоя ва инклюзив иқтисодий ривожланишни таъминлаш.
  • Соғлиқни сақлаш ва таълим соҳаларида сифатли хизматлар билан янада кенгроқ таъминлаш орқали инсон салоҳиятини ошириш.
  • Барқарор ривожланишни таъминлаш йўлида атроф-муҳитни муҳофаза қилиш.
  • Ижтимоий ҳизматларни яхшилаш ва ҳуқуқларни ҳимоя қилишга қаратилган самарали бошқарув.  

Батафсил маълумот

 
 

Konrad Adenauer номидаги жамғарма

Эркинлик, адолат ва ҳамжиҳатлик. Ушбу умумбашарий қадриятлар Konrad Adenauer жамғармаси фаолиятининг асаосий тамойиллари ҳисобланади. Жамғарма Германия Федератив Республикасининг сиёсий фонди бўлиб, мамлакатнинг етакчи партияларидан бири - Христиан демократик иттифоқи негизида ташкил топган.

Ҳозир 100 дан ортиқ мамлакатда фаолият юритаётган мазкур фонд 1955 йили Bruno Heke томонидан кичик жамғарма сифатида ташкил этилган. Орадан бироз вақт ўтгач, яни 1964 йили жамғармага Германия Федератив Республикасининг биринчи Федерал канслери Кonrad Adenauer номи берилади.

Konrad Adenauer иккинчи жаҳон урушидан кейинги Германиянинг ҳам иқтисодий, ҳам сиёсий, ҳам ижтимоий бунёдкори саналади. Мамлакатни иқтисодий ва сиёсий танг аҳволдан мардонавор олиб чиққан Adenauer тарихда замонавий Германиянинг бош ислоҳотчиси сифатида муҳрланади.

Жамғарманинг яна бир ўзига хослиги шундаки, унда асосий эътибор инсоннинг ҳуқуқ ва жамият олдидаги мажбуриятларини шакллантиришга қаратилган. Бу ижтимоий адолат, эркин демократия ва барқарор бошқарувнинг асоси ҳисобланади. Ижтимоий масъулиятни ҳис этувчи инсонларни бирлаштириш орқали жамғарма иқтисодиёт ва жамиятда фаол тармоқларни ривожлантиришни мақсад қилган.

Konrad Adenauer жамғармаси Марказий Осиёда ўз фаолиятини 1994 йилда бошлаган бўлиб, ҳозир Тошкент ва Остона шаҳарларида филиалларига эга.
Жамғарма мамлакатимизда ҳозирги кунга қадар иқтисодиёт, экология, таълим ва давлат бошқаруви соҳаларида 10 дан ортиқ лойиҳани амалга оширди. Фонд айни пайтда Ўзбекистон электрон оммавий ахборот воситалари миллий ассоциацияси, Тошкент давлат юридик университети ва Ўзбекистон Фанлар академияси Тарих институти каби давлат ва нодавлат ташкилотлари билан яқин ҳамкорлик қилиб келмоқда.

Шу ўринда қайд этиш жоизки, Konrad Adenauer жамғармасининг асосий мақсади мустаҳкам ҳамкорлик орқали ҳар бир мамлакатни эркин ва мустақил ривожланишига кўмаклашишдан иборатдир. Мустақилликнинг ўтган йилларида Ўзбекистон билан Konrad Adenauer жамғармаси ўртасида ўзаро ишонч ва яқин ҳамкорлик алоқалари шаклланди ва изчил ривожланиб бормоқда.

Батафсил маълумот

 

 

Германия Халқаро Ҳамкорлик Агентлиги (GIZ)

Ўзбекистонда Deutsche Gesellschaft für Internationale Zusammenarbeit (GIZ) GmbH Германия Иқтисодий Ҳамкорлик ва Ривожланиж Федерал Вазирлиги (BMZ), Германия Федерал Ташқи Ишлар Вазирлиги номидан (AA) ва Германия Федерал Ички Ишлар Вазирлиги (BMI) номидан лойиҳа ва дастурларни амалга ошмирмоқда.  GIZ Тошкентда ўз ваколатхонасини 1992 йилда очган, Сирдарё, Жиззах, Қашқадарё ва Андижон вилоятларида, шунингдек Қорақалпоғистонда бошқа лойиҳавий офислар мамлакатнинг қишлоқ жойларидаги фаолият учун жавобгардир.

Айни пайтда мамлакатда 31 миллий ва тўрттта халқаро ходим ва битта интеграциялашган мутахассис ишламоқда (31.12.2018й. Холатига кўра). 1991 йилда мустақилликка эришгач, Ўзбекистон марказлаштирилган режалаштирилган иқтисодиётини янги иқтисодий воқеликларга мослаштира бошлади. Анъанавий савдо алоқалари ва ишлаб чиқариш занжирлари барҳам топди ва янги миллий чегаралар транспорт ва савдо йўллари орқали кесиб ўтилди, бу эса илгари Марказий Осиёнинг бошқа давлатлари билан тақсимланган энергия ва сув манбаларига киришга тўсқинлик қилар эди.

Янги мустақил давлат сифатида Ўзбекистон кўплаб ижтимоий ва иқтисодий муаммоларга дуч келган бир пайт, Халқаро ҳамкорлик доирасида GIZ иқтисодиёт, соғлиқни сақлаш ва табиий ресурсларни ҳимоя қилиш соҳасидаги ислоҳотларни қўллаб-қувватлаб келмоқда. Соғликни сақлаш Германия ва Ўзбекистон ўртасидаги ҳамкорликнинг устувор йўналишларидан бирига айланди. 

Батафсил маълумот

 
Cookie-Settings
YOU ARE LEAVING DVV INTERNATIONAL
Important notice: If you click on this link, you will leave the websites of DVV International. DVV International is not responsible for the content of third party websites that can be accessed through links. DVV International has no influence as to which personal data of yours is accessed and/or processed on those sites. For more information, please review the privacy policy of the external website provider.