“Катталар таълими COVID-19га қарши”
ТАНЛОВ МАРАФОНИ
ИККИНЧИ БОСҚИЧ: ҚИСҚА ВИДЕО ТАСВИРЛАР ТАНЛОВИ
Танлов ва унинг биринчи босқичи бўйича маълумот DVV International Uzbekistan веб-сахифасида жойлаштирилган: http://www.dvv-international-central-asia.org/uz/uzbekiston/jangiliklar/
Иккинчи босқичнинг (видео танлов) мақсади фуқаролик жамиятига самарали таълим амалиёти ёки норасмий таълим сектори ташкилотлари томонидан пандемия даврида илгари сурилган ғояларни тарқатишдир.
Энг яхши видео тасвирлар танлов якунидан кейин DVV International Uzbekistan веб-сахифасида жойлаштирилади.
Танлов мавзуси ва номинациялари
“Катталар таълими COVID-19га қарши” деб номланган асосий танлов мавзусига норасмий ўқув муассасалирининг пандемияга мослашишига ёрдам берадиган турли ёндашувлар тўғрисидаги видео ҳикояларни ўз ичига олиши мумкин. Бу одамларга дезинформация (нотўғри маълумот бериш) ва тушкунликка тушишни енгишга ёрдам берадиган психологик, ҳуқуқий ва тиббий телефон маслаҳатлари бўлиши мумкин; онлайн мастер-класслар, касбий ва шахсий кўникмалар ривожлантириш учун масофавий ўқитиш дастурлари; мотивацион танловлар ўтказиш, мақсадли гуруҳларни фойдали Интернет-манбалар, шу жумладан ижодий, инновацион иш шакллари тўғрисида хабардор қилиш.
Тақдим этилган видеолар учун учта совринли ўринлар мавжуд:
1. Биринчи ўрин - Panasonic HC-V770 (видеокамера).
2. Иккинчи ўрин - Sony HDR-CX405 (видеокамера).
3. Учинчи ўрин - SJCAM SJ4000 Air (экшн камера).
Танлов ташкилотчилари махсус номинацияларни белгилаш, уларда ғолибни аниқлаш ва совғаларни топшириш ҳуқуқига эгадирлар.
Барча ғолибларга диплом ёки эсдалик совғалари топширилади. Барча иштирокчилар қатнашчи сертификатига эга бўладилар..
Танловда кимлар қатнашиши мумкин?
Танловда жисмоний шахслар қатнаша олмайдилар. Ташкилотларнинг мулкчилик шакли нодавлат бўлиши керак (ННТ, НТТ – нодавлат таълим ташкилотлари). Вақтинчалик ижодий уюшмалар шаклидаги норасмий ташаббус гуруҳлари (танлов даврида) ҳам ўзларининг видео тасвирларини тақдим этишлари мумкин.
Танлов муддатлари ва унинг ўтказиш тартиби
Барча аризалар қабул қилинадиган манзил - info@dvv-international.uz
Танловга аризалар 11 июн – 11 июл кунлари (Тошкент вақти билан соат 18:00) қабул қилинади.
Видео танловининг финали (якуни) ва ғолибларни эълон қилиш 14 июлда бўлиб ўтади.
Мусобақа якунига кўра, ғолиблар тўғрисидаги маълумотлар оммавий ахборот воситаларида ва DVV International Uzbekistan веб-сайтида тақдим этилади.
Барча видео ишлар ёки уларга ҳаволалар юқорида кўрсатилган электрон манзилга юборилиши керак. “Хам мавзуси” қаторида фақат “Видеолар танлови” сўзлари ва уни юборган ташкилот номи акс этган бўлиши керак.
Хатда қуйидаги маълумотлар бўлиши керак: ташкилот ёки ташаббускор гуруҳи хақида маълумот (тўлиқ номи, манзил, телефон, электрон манзил, ташкилот раҳбарининг исми шарифи ва алоқа учун жавобгар шахс), видео тасвирнинг номи ва уни юклаб олиш учун линк. Хатга хавола сифатида видео тасвирнинг сюжетини қисқа таърифи (А4 вароғидан ошмаслиги керак) бириктирилган бўлиши лозим.
Видеони исталган “булутли сақлаш ресурсларига” жойлаштирилиши мумкин ва уни юклаб олиш учун хаволани (линк) ўзи юборилиши етарли ёки хатга илова қилиб (агар ҳажми 20 Мб ошмаса) юбориш мумкин.
Видеоларга қўйиладиган талаблар
Ҳар бир ташкилот танлов учун фақат битта видеоклипни электрон шаклда юбориши мумкин.
Видеонинг давомийлиги 2 дақиқадан 3 дақиқагача бўлиши лозим (ундан ортиқ эмас).
Бошқа одамларнинг материалларини ишлатиш тақиқланади. Зарурат туғилса бошқа муаллифлар ишларининг маълум фрагментларидан (муаллифлик хукуқига амал қилган холда) фойдаланиш мумкин.
Реклама характерига эга бўлган, бошқа одамларнинг қадр-қиммати ва ҳис-туйғуларини камситувчи ёки Ўзбекистон Республикаси қонунларига зид келадиган роликлар қабул қилинмайди.
Иштирокчилар видеони жанрини (интервью, репортаж, видеоклип, хроника) ўзлари белгилайдилар. Видеонинг сўнги версияси қуйидаги форматлардан бирида бўлиши керак:
AVI, MOV, MPEG, МP4, FLV, MKV
Видеонинг минимал хусусиятлари:
• Разрешение – 720 p (1024 x 768);
• Экран томонларининг нисбати – 16:9;
• Кадрлар тезлиги - мин. 24 кадр/секундига (24 fps);
• Видео йўналиши – горизонтал.
Видеони баҳолаш мезонлари
Видеонинг таркибий жиҳатлари:
- Танлов мавзусига мувофиқлиги;
- Ишнинг мазмуни (видео тузилиши ва тўлиқлиги, маълумотларга бойлиги);
- Ғоянинг оригиналлиги ва ижодкорлик ёндашуви;
- Ғоянинг бошқа таълим ташкилотларида қўлланиш имконияти.
Видеонинг техник кўрсаткичлари:
• Ишнинг эълон қилинган техник талабларга мувофиқлиги;
• Хронометоражнинг аниқлиги (видеонинг диктор овозига мослиги).
Муаллифлик ҳуқуқи
Видеоларнинг муаллифлик ҳуқуқи ишнинг муаллифига тегишлидир. Учинчи шахсларнинг муафллифлик ҳуқуқларига риоя қилиш учун жавобгарлик видео тасвирни танловга юборган ташкилот зиммасида бўлади. Ташкилотчилар муаллифлик хуқуки бузилиши билан боғлиқ муаммоли вазиятларга жавобгар эмаслар. Ташкилотчилар юборилган материалларни ўзининг фаолиятида ишлатиш хукуқига эга.
DVV International Uzbekistan билан боғланиш учун шахс
Барча танлов билан боғлиқ саволлар бўйича қуйидаги манзилга ёки телефон рақами орқали мурожжат қилишингиз мумкин:
Жасур Эргашев - Офис ва PR менеджер
ergashev@dvv-international.uz Tel./ Fax: (+998 71) 1205536,1206057
Сизга муваффақият ва ғалаба тилаган ҳолда,
DVV International Uzbekistan офисининг ташкилий кўмитаси
26.05.2020