"2019 йилнинг сархисоби ва 2020 йил истиқболлари" – 2019 йил 20 декабрда DVVнинг Ўзбекистондаги филиали тамонидан ташкил қилинган "Тошкент оқшомлари" учрашуви шундай номланди. Бу тадбирда қатнашган ташкилотимизнинг ҳамкорлари ва дўстларини якунланаётган йилнинг умумий хотиралар бирлаштирди. Тадбир йил давомида эришилган асосий ютуқлар тақдимоти билан бошланди:
- Буюк Британия элчихонаси кўмагида "Оила" маркази ва "Интилиш" ННТ билан ҳамкорликда "Ўзбекистон Республикасида жазони ўташ жойларидан озод қилинган инсонларнинг ижтимоий мослашуви" лойиҳаси амалга оширилди.
- Қувасой шаҳрида яна бир Маданият маркази (учинчи локация) жиҳозланди, аҳоли учун янги ўқув курслар очилди.
- "Оила" маркази билан ҳамкорликда Биринчи Миллий ҳисоботни тайёрлаш учун аҳолининг катталарни ўқиши ва таълимида иштироки бўйича тадқиқотлар олиб борилмоқда."
- "Таълим тўғрисида"ги қонуннинг янги таҳрири учун тавсиялар тайёрланди ва тақдим этилди.
- Инновацион фонднинг лойиҳалари амалга оширилди (Бухоро, Навои, Наманган ва Фарғона шаҳарларида).
- Педагогик инновациялар, касб-ҳунар таълими бошқарув ҳамда педагог кадрларни қайта тайёрлаш ва уларнинг малакасини ошириш институти Curriculum GlobALE дастурининг интитуционализация қилиниши қўллаб-қувватланди (ходимлар учун тренинглар, масофавий таълим платформасини ишлаб чикилишини ва бошқалар)
- "САБР" Республика ижтимоий-иқтисодий ривожланиш маркази, DVVнинг филиали ва бошқа ҳамкорлар кўмада Самарканд шахрида "21-асрнинг ижтимоий муаммоларини ҳал этишда Марказий Осиё айёлларининг ўрни" мавзусида халқаро форум ва журналистлар танлови бўлиб ўтди.
- Сурхандарё вилоятидаги "Барқарор хаёт" ижтимоий-маърифий маркази ҳуқуқни муҳофаза қилиш органлари ва пробация хизмати вакиллари учун тренинглар ўтказди.
- Умуман олганда, йил давомида ҳам давлат, ҳам фуқаролик секторидаги ҳамкорлар сони кўпайди
Филиал раҳбари Татьяна Заиченко 2020 йилдаги фаолият истиқболлари ҳақида гапириб, деярли барча ҳамкорлар турли лойиҳаларга жалб этилишини ва фаолият йўналишларига эса янги тематик йўналишлар қўшилишини таъкидлади.