2019 йилдаги лойиҳалар синергияларидан олинган муваффақиятли тажрибалар

DVVнинг Ўзбекистондаги филиали ўз ҳамкорларини салоҳиятини оширишга алоҳида эътибор беради ва улар ўртасида синергияни ривожлантиришга кўмаклашади. Ушбу ҳамкорликнинг муваффақиятли натижаси -  бу маҳаллий ҳамкорлар "Меҳржон" ННТ (Фарғона) ва Қувасой шаҳари маданият маркази ўртасидаги ҳамкорликдир.

DVVнинг Ўзбекистондаги Филиали "Маданият марказларнинг салоҳиятини ривожлантиришга кўмаклашиш" лойиҳаси доирасида Марказнинг моддий-техник базасини мустаҳкамлашга кўмак берди ва касбий кўникмаларни ривожлантириш курсларни (моделлаштириш, тикувчилик, санъат ва ҳунармандчилик, компьютер саводхонлиги асослари ва бошқалар) ҳамда маърифий семинарларни ўтказишда ёрдам берди (шахсий ривожланиш ва бошқалар).

2019 йилда шу хухудда "Меҳржон" ННТнинг "Ижтимоий ёрдамга мухтож аёлларга ҳуқуқий, психологик ва ижтимоий ёрдам бўйича мобил ижтимоий хизмат" лойиҳаси қўллаб-қувватланди. Лойиҳанинг мақсадли гуруҳига Фарғона вилоятининг районларида яшовчи кам таъминланган оилалардаги аёллар, ишсизлар, ёлғиз ва кўп фарзандли оналар киради.

"Меҳржон" ННТ Маданият марказига кучларни бирлаштиришни таклиф қилди. Марказ Қувасой шаҳри ва унинг атрофидаги вақтинча ишсиз аёллар учун оммабоп касбий курсларни ўтказди, ННТ эса тренинг дастурлари ва консалтинг хизматлари билан бойитдилар. Ҳамкорлар бир-бирини тўлдирибгина қолмай, ижтимоий ёрдамга мухтож гуруҳлар учун сифатли таълим хизматларини кўрсатишда ҳам ўз ҳиссаларини қўшдилар. Бундай таълимни мавжудлиги, айниқса қишлоқ жойларда, аҳоли фаровонлигини ривожлантиришнинг муҳим элементи ҳисобланади.