DVVнинг Ўзбекистондаги филиали ва Ўзбекистон Республикаси Маданият вазирлиги ўртасидаги ҳамкорлик тўғрисидаги меморандум доирасида Ўзбекистон Республикаси Маданият марказларининг (ММ) салоҳиятини ривожлантиришга қаратилган лойиҳа амалга оширилмоқда. Лойиҳанинг мақсади – марказларнинг ва яқин атрофдаги марказлар раҳбар ходимлари ва ишчиларининг малакасини ошириш бўйича тренинглар ва семинарларни ўз ичига олган инновацион ёндашувларни жорий этиш орқали, Ўзбекистон ҳудудларида аҳоли учун катталар таълими ва ўқишининг норасмий тизимини ривожлантириш. DVVнинг Филиали учта маданият маркази билан ҳамкорлик қилади: Наманган вилояти, Қарши тумани ва Қувасой шаҳри Маданият марказлари.
2020 йил 5 мартда Тошкент шахрида учта Маданият маркази иштирокида семинар бўлиб ўтди. Унда амалга оширилган ишларнинг якуни сархисоб қилинди ва келгусидаги ҳамкорлик истиқболлари аниқланди. Семинарда директорлар ва уларнинг ўринбосарлари, координаторлар, методистлар, ўқитувчилар, шунингдек лойиҳада иштирок этган тренерлар қатнашди.
Ҳар бир маданият маркази ўтган даврда қилган ишларнинг тақдимотини ўтказди. Кейин кичик гуруҳларда улар маданият ва маърифат сохасини янада ривожлантириш йўлидаги муаммолар ва тўсиқларни муҳокама қилишди ва идеал Маданият маркази қандай бўлиши кераклиги ва бунинг учун мавжуд кучлар ва молиявий маблағлар билан нима қилиш кераклиги ҳақида “орзу қилишди”. Натижада барқарорлигини таъминлаш бўйича чора-тадбирлар ишлаб чиқилди ва бу ўз ўрнида Маданият марказларининг фаолиятини турли таълим хизматларини жорий этиш орқали уларнинг даромадини ошириш имконини беради. Семинар натижалари 2021-2023 йилларга мўлжалланган ҳамкорлик фаолиятини режалаштириш учун асос яратади.