CURRICULUM GLOBALE (CG) ДАСТУРИНИНГ 1-МОДУЛИ БЎЙИЧА МАСОФАВИЙ ТАЪЛИМ КУРСИ

Апрель ойининг бошларида Ўзбекистоннинг барча вилоятларидаги касб-ҳунар таълими ходимлари учун CG дастурининг биринчи модули бўйича масофий таълим курси якунланди.

Ўқитиш педагогик инновациялар, касб-ҳунар таълими бошқарув ҳамда педагог кадрларни қайта тайёрлаш ва уларнинг малакасини ошириш институти учун махсус ишлаб чиқилган масофавий таълим платформасида (http://cgtvet.uz/uz) ёрдамида амалга оширилди.

Курс давомийлиги бир ҳафта бўлган  олти босқичдан иборат бўлди. Ҳар бир босқичда иштирокчиларга мустақил бажаришлари учун олидиндан топшириқлар ва ўқув материаллари (электрон материаллар, видео тақдимотлар, мавзуни янада чуқурроқ ўрганиш учун қўшимча материаллар) берилди.

Топшириқларни бажариш ва платформада мунозараларни ўтказиш учун форум очилди, унда иштирокчилар ўз изоҳларини қайд этдилар, суҳбатлашдилар, муҳокама олиб бордилар ва тьюторларга ўзларини қизиқтирган саволларни бердилар. Баъзи босқичларда ўзлаштириш даражасини текшириш учун Google Docs-даги тестлардан фойдаланилди. Қўшимча алоқа воситаси сифатида "Telegram" мессенджери ишлатилди.

Курс давомида биринчи модул бўйича ўзбек тилидаги ўқув материаллари тайёрланди ва синовдан ўтказилди, жумладан видео презентациялар, платформанинг ўзи янада такомиллаштирилди, ҳамкор ташкилотдан 4та тьютор масофавий таълимни ташкил қилиш бўйича амалий тажрибага эга бўлдилар. Доимий равишда ва кам молиявий харажатлар билан кенгроқ аудиторияни жалб қилиш имкони мавжуд бўлди.