Ўзбекистонда катта ёшдаги аҳолини ўқитадиган провайдерлар сони ўсмоқда (ННТ, нодавлат таълим муассасалари - НТМ, Маданият марказлари ва бошқалар). Уларнинг аксарияти COVID-19 пандемияси туфайли ўз фаолиятларига ўзгариш киритишмоқда. Жамиятга дезинформация (нотўғри маълумот) тарқалишини олдини олиш ва тушкунликни енгишда ёрдам бериш учун турли хил ёндашувлар, жумладан, психологик, юридик ва тиббий маслаҳатлар телефон орқали амалга оширилмоқда; онлайн мастер-класслар ва мақсадли гуруҳларни фойдали интернет-манбалар тўғрисида хабардор қилиш ишлари олиб борилмоқда; ўқув дастурлари масофавий ўқитиш имкониятларига мослаштирилмоқда; турли мотивацион танловлар ва ҳ.к. эълон қилинмоқда. DVV International Uzbekistan ушбу ҳаракатга қўшилган ҳолда, “Катталар таълими COVID-19га қарши” деб аталган конкурс марафонини эълон қилади.
Танловнинг мақсади – фуқаролик жамияти секторининг пандемия оқибатини юмшатишга қаратилган ғояларини қўллаб-қувватлаш.
Марафон уч босқичдан иборат бўлади:
Биринчи босқич – 8 майдан 7 июнгача (танлов ғолиби 10 июнда эълон қилинади), плакатлар танлови.
Иккинчи босқич – 11 июндан 11 июлгача (танлов ғолиби 14 июлда эълон қилинади), қисқа видео тасвирлар танлови (3 дақиқагача бўлган).
Учинчи босқич – 15 июлдан 15 августгача (танлов ғолиби 20 августда эълон қилинади), лойиҳа ғоялари кўргазмаси
Жисмоний шахслар, фуқаролик жамияти ташкилотлари билан биргаликда плакатлар танловида иштирок этишлари мумкин (1-босқич). Қолган икки босқич фақат ташкилотлар иштирокини ўз ичига олади. Учинчи босқич ғолиби, ўз лойиҳа ғоясини амалга ошириш учун буюртма олувчига айланади. Бу танловнинг асосий шартларидан бири олдинги икки босқичда қатнашишдир. Барча босқичдгаи танловлар юқоридаги мавзуга бағишланади.
Плакатлар танловида битта ғолиб (жисмоний шахс ёки ташкилот) аниқлаланади. Ғолиб чиққан плакат танлов марафонининг визуал брендига айланади ва марафоннинг бошқа босқичларида ҳам қўлланилади. Плакатлар анъанавий усулда (бўёқлар, қаламлар ва бошқалар), шунингдек, компьютер графикасидан фойдаланилган ҳолда чизилиши ҳам мумкин. Биринчи холда, плакатлар рақамлаштирилиши лозим бўлади. Барча плакатлар, иштирокчилар томонидан "Facebook" да, айнан DVV International Uzbekistanнинг саҳифасида (https://www.facebook.com/dvv.international.Uzbekistan/), танлов тўғрисидаги хабар остида (“шарҳлар” қисмида), ташкилотнинг тўлиқ номини кўрсатган ҳолда ёки индивидуал муаллифнинг исми ва шарифини ёзиб, юкланади.
“Лайк”лар сони танлов комиссияси томонидан эътиборга олинади, аммо ғолибни аниқлашда ҳал қилувчи кўрсаткич бўлиб хизмат қилмайди. Плакатлар танловининг ғолиби июн ойининг биринчи саналарида эълон қилинади ва махсус мукофот билан тақдирланади.
Танлов плакатлари ва видео тасвирлардан фойдаланиш муаллифлик ҳуқуқи DVV International Uzbekistanга ўтказилади.
Плакатларга бўлган талаблар:
- Фақатгина “Катталар таълими COVID-19га қарши” мавзусидаги плакатлар қабул қилинади. Плакатлар статик бўлиши керак (динамик эълонлар ҳисобга олинмайди)
- Плакатлар қуйидаги хусусиятларга жавоб бериши лозим: ўлчами: 70 × 100 см, 1 дюймда × 300 нуқта(dpi), максимал ҳажм 10 Мбайт, вертикал тартибда, JPG ёки PDF форматида ва якуний ишлар чоп этишга тайёр ҳолатда бўлишлари керак.
- Агар плакатларда матн бўлса, ундаги ёзувлар учта тилдан бирига ёки бир вақтнинг ўзида икки ёки уч тилда (ўзбек, рус, инглиз) ҳам ёзилиши мумкин.
- Танловга бирон бир жисмоний шахс ёки ташкилотдан 3тадан ортиқ бўлмаган плакатлар юборилиши мумкин.
Карантин тугагандан сўнг, плакатлар кўргазмаси ташкил этилади ва уларнинг энг яҳшилари DVV International Uzbekistan томонидан нашр этиладиган катталар таълимига бағишланган календарларга иқтибослар билан жойлаштирилади.
Кейинги танлов босқичлари (иккинчи ва учинчи босқичлар) учун талаблар кейинроқ эълон қилинади, аммо вақт кам бўлганлиги сабабли, марафонда иштирок этишни истаганлар, охирги икки босқичда улар томонидан тақдим этиладиган ғоялар ваишларнинг мазмуни устида ишлашни бошлашлари мумкин.Улар кейин охирги икки босқичга ажратилган муддатда тақдим этилади.
Танловнинг кейинги босқичларига (иккинчи ва учинчи босқичлар) талаблар кейинроқ эълон қилинади. Facebook саҳифамизда танлов хақидаги эълон пастида танлов плакатларини жойлаштиришингизни кутиб қоламиз. Сиздан ижодий ёндашув ва ёрқин ғоялар тилаб қоламиз! Сизга танлов марафонида омад ёр бўлсин!
DVV International Uzbekistan жамоаси