Bugun biz festivalning ikkinchi kuni haqida ma’lumot beramiz. U Samarqand shahridagi "Ishga marhamat" monomarkaziga sayohat bilan boshlandi, so‘ng ishtirokchilar guruhlarga bo‘lindilar. Birinchi guruh ishtirokchilari "Marokash Harakatlar ramkasini amalga oshirishda mintaqaviy hamkorlik" davra suhbatlarini o‘tkazdilar (moderatorlar – DVVning O‘zbekistondagi filiali rahbari Tatyana Zaichenko va "SABR" Respublika Ijtimoiy-iqtisodiy rivojlantirish markazi direktori Mavludaxon Shirinova). Davra suhbatida Bandlik va mehnat munosabatlari vazirligi, Oliy va o‘rta maxsus ta’lim vazirli, O‘zbekiston Respublikasi Vazirlar Mahkamasi huzuridagi Ta’lim sifatini nazorat qilish davlat inspeksiyasi, Mehnat bozori tadqiqotlari, monomarkazlar rahbarlari, NNTlar negizidagi Mahalliy rivojlanish markazlari direktorlari, xususiy tadbirkorlar, Germaniya, Qirg‘iziston va Tojikistondan kelgan xorijiy mehmonlar ishtirok etdi.
Muhokamalardan so‘ng ishtirokchilar kelgusida Markaziy Osiyoda kattalar ta’limi va ta’lim sohasida hamkorlikning quyidagi formatlarini taklif qilishdi:
• kattalar ta’limi va o’qishini rivojlantirishning innovatsion yo‘nalishlari bo‘yicha tajriba almashish;
• ilg‘or tajribalar asosida o‘quv dasturlarini takomillashtirish imkonini beruvchi xorijiy mutaxassislarni taklif qilish orqali hamkorlikdagi o’qishlar (oflayn va onlayn);
• Markaziy Osiyo davlatlarining kattalar ta’limi va o’qishi sohasidagi muvaffaqiyatli faoliyatini birgalikda yoritish (telekonferensiyalar tashkil etish, ommaviy axborot vositalarida yoritish);
• kattalar ta'limi va o’qishini rivojlantirish maqsadida milliy axborot platformalarini yaratish.
• onlayn ta'limni rivojlantirishga ko'maklashish va aholining raqamli ta'lim resurslaridan foydalanish imkoniyatlarini kengaytirish;
• tadbirkorlar bilan faol hamkorlik qilish, ularni aholining zaif qatlamlariga urg’u bergan holda kattalar ta'limi va o’qishi tizimini rivojlantirishga sarmoya kiritishga rag'batlantirish.
Ishtirokchilarning ikkinchi guruhi professional yo‘nalishlar bo‘yicha mahorat darslarida qatnashdilar: IT kurslari; tikuvchilik, sartaroshlik, qandolatchilik; trenerlar uchun trening. Ushbu guruh aʼzolari kasbiy mahorat sirlarini muhokama qildilar, treninglarni samarali oʻtkazish va oʻz mahsulotlarini sotish uchun IT-platformalarni yaratish boʻyicha oʻz tajribalari bilan oʻrtoqlashdilar.
Barcha tadbirlar yakunlangach, har ikki guruh ham "Buyuk ipak yo‘li" xalqaro turistik markazi bo‘ylab ekskursiyada ishtirok etdilar, unda ular o‘z hududlarida turizmni rivojlantirish bo‘yicha o‘zlari uchun yangi g‘oyalar va yondashuvlarni qayd etdilar.
Festival haqidagi telereportajlarni ("O‘zbekiston 24") quyidagi havolalarda ko‘rish mumkin:
https://t.me/mtrkuzofficial/117870 - o‘zbek tilida.
https://t.me/mtrkuzofficial/117857 - rus tilida.
Top
Print