Омӯзиш: чӣ тавр ба фишори равонӣ (стресс) тобовар бошем ва ҳангоми кор ба афсурдагӣ дучор нашавем
Аз 11 то 13 июни соли 2023 дар маркази таълимии Бонки миллии Тоҷикистон воқеъ дар шаҳри Гулистон омӯзиш дар мавзӯи «Пешгирии хастагии равонӣ ҳангоми кор” баргузор гардид. Мақсади асосии омӯзиш баланд бардоштани иқтидори шарикон дар идоракунии ҳолатҳои вазнини равонӣ ҳангоми кор дар муассисаҳои ислоҳӣ ва дар давраи пас аз пандемия буд.
17 нафар аз шумори ҳомиёни ҳуқуқ ва фаъолони ҷамъиятӣ дар бораи табиати фишори равонӣ (стресс), намуд ва шаклҳои он, хастагии равонӣ ва марҳилаҳои он, ва муҳимтар аз ҳама, роҳҳои мубориза бо ин мушкилот ва тобовар будан ба он маълумот гирифтанд. Равоншинос, равондармонгари когнитивӣ-рафторӣ (ғайритиббӣ) Фирӯза Мирзоева ба ҳайси тренер даъват шуда буд.
Қобили зикр аст, ки ин омӯзиш дар чаҳорчӯбаи лоиҳаи Иттиҳоди Аврупо “Ҳимояи ҳуқуқҳои иҷтимоӣ, иқтисодӣ ва фарҳангии маҳкумшудагон ва собиқ маҳкумшудагон дар Тоҷикистон” баргузор гардид.
Барои дарёфти маълумоти бештар бо Заррина Холиқова, директори Намояндагии DVV International дар Тоҷикистон тариқи почтаи электронии khalikova@dvv-international.tj ё Шаҳло Абдунабизода, директори ТҶ-и “Ҷаҳон” тариқи почтаи электронии ngo.jahon@gmail.com тамос гиред.