Хоруғ, 22 феврали 2018. 22 феврали соли 2018 ҷаласаи сеюми солонаи шарикони лоиҳаи “Тавсеаи ваколатҳои ҷавонон оид ба рушди устувор" бо иштироки ҷонибҳои манфиатдор дар шаҳри Хоруғи Вилояти Мухтори Кӯҳистони Бадахшон (ВМКБ) баргузор мегардад.
То ин вақт лоиҳа тавонистааст як қатор қишрҳои гуногуни ҷомеаро атрофи масъалаҳои ҷамъиятӣ ба ҳам орад: ҷузъи ҷомеаи шаҳрвандӣ 31 лоиҳаҳоро, ки ба ҳалли проблемаҳои иҷтимоӣ нигаронида шуда буданд, бо иштироки васеъ ва саҳми ҳамаи ҷонибҳои манфиатдори маҳаллӣ, ҳукуматҳои маҳал, соҳибкорони маҳаллӣ ва сокинони ҷамоатҳо ва ғайра амалӣ намудааст. Ҷузъи рушди соҳибкории ҷавонон 41 адад лоиҳаҳои соҳибкориро дастгирӣ намудааст, ки зиёда аз 95%-и онҳо айни замон фаъолияташонро дилпур идома дода истодаанд. МТК-и Хоруғ 28 адад курсҳои сайёри касбомӯзиро аз руи 4 ихтисос амалӣ намуд, ки онҳо дар доираи лоиҳаи мазкур таҳия, санҷиш ва ба роҳ монда шудаанд.
Шарикони маҳаллӣ ТҶ «Мадина», ТҶ «Маркази дастгирии ҷомеаи шаҳрвандии “Қалам”, Маркази таълими калонсолони Хоруғ ва намояндагони ҷонибҳои манфиатдор, намояндагони ҳукумати вилоят, ташкилотҳои байналхалқии рушд- GIZ, MSDSP, ДОМ ва васоити ахбори умум иштирокчиёни интизории вохӯрии мазкур мебошанд.
Ҷаласаи мазкур- ҳамоиши сеюм ва охирин аст, ки DVV International Тоҷикистон соле як бор бо мақсади ҳисобот оид ба лоиҳаи мазкур, ки миёни давраи моҳи марти соли 2015 то охири феврали соли 2018 амалӣ карда мешавад, ташкил мекунад. Мақсади дигари ин ҷаласа- бо ҷонибҳои манфиатдори маҳаллӣ муҳокима кардани таъмини устувории натиҷаҳои лоиҳа мебошад. Кормандони DVV International мехоҳанд оид ба сабақҳои гирифтаашон маълумот дода, таъмини эҳтимолии устувории дастовардҳои лоиҳаи мазкурро пас аз анҷоми лоиҳа муҳокима намянд.
Маълумоти ибтидоӣ: Марти соли 2015, Институти ҳамкории байналхалқии ассотсиатсияҳои Олмон оид ба таҳсилоти калонсолон (DVV International) дар чаҳорчӯбаи «Барномаи ширкат дар сулҳофаринӣ”-и ИА як лоиҳаи 3-соларо оғоз намуд, ки аз тарафи Иттиҳоди Аврупо (494,096 EUR= 80%) ва Вазорати федералии ҳамкории иқтисодӣ ва рушди Олмон (BMZ) (130,904 евро= 20%) маблағгузорӣ шудааст. Фаъолияти лоиҳа ҳамаи 7 ноҳияҳои ВМКБ ва шаҳри Хоруғро дар бар гирифтааст.
Маълумоти бештарро дар суроғаи зерин дастрас кардан мумкин аст:
Зарина Хaликова, Директори дафтари намояндагии DVV International дар Тоҷикистон
Почтаи электронӣ khalikova@dvv-international.tj; Тел .: (+992 37) 2240619, ё 2240620