Моҳи декабри соли 2020 дар доираи лоиҳаи "Беҳтар намудани дастрасӣ ба ҳуқуқҳои иҷтимоӣ, иқтисодӣ ва фарҳангии маҳкумшудагон ва собиқ маҳкумшудагон дар Тоҷикистон" (SECRET-3), раванди таълими касбии 20 нафар занони маҳкумшуда дар муассисаи ислоҳии (МИ) №3/8 ш. Норак ва 20 нафар мардони маҳкумшуда дар муассисаи ислоҳии №3\6 н. Ёвон оғоз ёфт. Лоиҳа аз ҷониби Иттиҳоди Аврупо ва Вазорати федералии Олмон оид ба рушд ва ҳамкориҳои иқтисодӣ маблағгузорӣ карда мешавад.
Муаллимон, устодони ин касбҳо, барномаҳои таълимии худро бо назардошти режими МИ барои ташкили омӯзиш мутобиқ карданд. Ғайр аз ин, дар вақти омӯзиш тамоми чораҳои пешгирии COVID -19 (ниқобҳо, антисептикҳо ва масофа) риоя карда мешаванд.
Пас аз хатми омӯзиш, занон касбҳои "Қаннодӣ" ва "Сартарош-стилист" ва мардон - касбҳои "Дуредгар" ва "Кафшергари газ" -ро мегиранд. Бояд қайд кард, ки баъд аз хатми курсхои касбомузи ҳамаи донишҷӯён (маҳкумшудагон) шаҳодатномаи давлатӣ мегиранд. Ин ба онҳо пас аз озод шуданашон барои кор пайдо карданашон кӯмак мекунад ва имконият медиҳад, ки вазъи иқтисодии худро беҳтар созанд, узви ҷомеа ҷамъиятӣ бошанд ва худро дар вазъияти душвори ҳаётӣ, ки боиси қонуншиканӣ мегардад, пайдо накунанд.
Курсҳои касбиро шарики лоиҳа ТҶ «Ҷахон» дар ҳамкории зич бо муассисаи давлатии "Маркази таълими калонсолони Тоҷикистон", ки омӯзгорони курсҳои касбиро таъмин менамояд, ташкил мекунад. Дар соли 2021 гузарондани курси «Дузандаги» барои 20 нафар мардони маҳкумшуда дар МИ №3\6, ба нақша гирифта шудааст.
Лоиҳаи "Беҳтар намудани дастрасӣ ба ҳуқуқҳои иҷтимоӣ, иқтисодӣ ва фарҳангии маҳкумшудагон ва собиқ маҳкумшудагон дар Тоҷикистон" (SECRET-3) аз ҷониби Институти ҳамкории байналмилалии Ассотсиатсияи донишгоҳҳои халқии Олмон (DVV International) дар якҷоягӣ бо ду шарики маҳаллӣ – ТҶ «Идораи ҳуқуқи инсон ва риояи қонуният» ва ТҶ «Ҷаҳон» татбиқ мегардад.
Лоиҳаи мазкур давоми 2 сол ба ҳифзи ҳуқуқҳои яке аз гурӯҳҳои осебпазир - маҳкумшудагон ва шахсони аз маҳбас озодшуда, алалхусус барои амалишавии ҳуқуқҳои иҷтимоӣ, иқтисодӣ ва фарҳангии онҳо дар Тоҷикистон мусоидат карда, 300 нафар маҳкумшудагонро дар муассисаҳои ислоҳии №3/8 ш. Норак ва 3/6 н.Ёвон, инчунин зиёда аз 1,100 шахсони аз маҳбас озодшударо дар 10 шаҳру марказҳои ноҳияҳои Тоҷикистон, аз ҷумла Душанбе, Хоруғ, Хуҷанд, Бохтар, Ваҳдат, Б.Ғафуров, Восеъ, Панҷакент, Деваштич ва Ҷайҳун дар бар мегирад.
Маҳкумшудагони 2 муассисаи ислоҳӣ дар заминаи муассисаҳои ислоҳӣ ба корҳои таълимӣ ва истеҳсолӣ ҷалб карда мешаванд. Ин ба маҳкумшудагон имкон медиҳад, ки дониш ва малакаҳои нав гиранд, инчунин бо мақсади беҳтар намудани шароити зиндагии худ ба фаъолияти даромаднок машғул шаванд.
Барои дарёфти иттилои муфассал, лутфан муроҷиат намоед ба:
Заррина Халикова, директори Намояндагии DVV International дар Тоҷикистон тавассути почтаи электронии khalikova@dvv-international.tj
Шахло Абдунабизода, директори ТҶ «Ҷаҳон» ngo.jahon@gmail.com