16 январи соли 2021 дар муассисаи ислоҳии 3/8 ш.Норак маросими супоридани Сертификатхои (Шаҳодатномаҳои) давлатӣ ба 10 зан баргузор гардид.
Моҳи декабри соли 2020 дар доираи лоиҳаи "Беҳтар намудани дастрасӣ ба ҳуқуқҳои иҷтимоӣ, иқтисодӣ ва фарҳангии маҳкумшудагон ва собиқ маҳкумшудагон дар Тоҷикистон" (SECRET-3), раванди таълими касбии 10 зани маҳкумшуда дар муассисаи ислоҳии 3\8 ш.Норак аз рӯи ихтисоси «Қаннод» оғоз ёфт. Омӯзгори ин касб барномаҳои таълимии худро бо назардошти режими муассисаи ислоҳӣ мутобиқ кард. Ҳангоми омӯзиш тамоми чораҳои пешгирӣ аз хавфи сирояти COVID-19 (ниқобҳо, антисептикҳо ва масофа) риоя карда шуданд.
Курсҳои касбиро шарики лоиҳа Ташкилоти Чамиятии «Ҷаҳон» дар ҳамкории зич бо муассисаи давлатии "Маркази таълими калонсолони Тоҷикистон" ташкил мекунад ва онхо омӯзгорони курсхои касбиро таъмин менамояд. Ҳангоми супоридани Сертификатҳо, намояндаи Маркази таълими калонсолони Тоҷикистон қайд кард, ки ин Сертификатҳо на танҳо дар Тоҷикистон, балки дар тамоми кишварҳои Иттиҳоди Давлатҳои Мустақил низ эътироф карда мешаванд.
Ҳамаи иштирокчиёни ин курс хело муҳим будани Сертификатхои давлатиро қайд карданд. Яке аз занони маҳкумшуда гуфт, ки ин касб ва Сертификат ба онҳо дар ёфтани ҷои кор пас аз озодӣ кӯмак мекунад ва ба онҳо имкон медиҳад, ки вазъи иқтисодии худро беҳтар кунанд.
Занони маҳкумшудаи муассисаи ислоҳии шаҳри Норак дар заминаи муассисаи ислоҳӣ ба корҳои таълимию истеҳсолӣ ҷалб карда мешаванд. Ин ба занони маҳкумшуда имкон медиҳад, ки дониш ва малакаҳои навро аз худ кунанд, инчунин бо мақсади беҳтар намудани шароити зиндагии худ ба фаъолияти даромаднок машғул шаванд.
Хотиррасон мекунем, ки ин фаъолият дар доираи лоиҳаи «Беҳтар намудани дастрасӣ ба ҳуқуқҳои иҷтимоӣ, иқтисодӣ ва фарҳангии маҳкумшудагон ва собиқ маҳкумшудагон дар Тоҷикистон» (SECRET-3), ки аз ҷониби Иттиҳоди Аврупо ва Вазорати федералии ҳамкории иқтисодӣ ва рушди Олмон маблағгузорӣ мешавад, амалӣ карда мешавад. Лоиҳа аз ҷониби Намояндагии DVV International дар Тоҷикистон дар ҳамкорӣ бо ташкилотҳои маҳаллии ҷомеаи шаҳрвандӣ "Идораи ҳуқуқи инсон ва риояи қонуният" ва "Ҷаҳон" амалӣ карда мешавад.
Барои дарёфти иттилооти муфассал, лутфан муроҷиат намоед ба:
Заррина Халикова, директори Намояндагии DVV International дар Тоҷикистон тавассути почтаи электронии khalikova@dvv-international.tj
Шахло Абдунабизода, директори ТҶ «Ҷаҳон» ngo.jahon@gmail.com