27 февралии соли 2021 дар муассисаи ислоҳии(МИ) 3/8 ш.Норак маросими супоридани Сертификатхои (Шаҳодатномаҳои) давлатӣ ба 10 зан баргузор гардид.
Моҳи январи соли 2021 дар доираи лоиҳаи "Беҳтар намудани дастрасӣ ба ҳуқуқҳои иҷтимоӣ, иқтисодӣ ва фарҳангии маҳкумшудагон ва собиқ маҳкумшудагон дар Тоҷикистон" (SECRET 3), раванди таълими касбии 10 зани маҳкумшуда дар МИ 3\8 ш.Норак аз рӯи ихтисоси «Ороиши муй» оғоз ёфт. Омӯзгори ин касб барномаҳои таълимии худро бо назардошти режими муассисаи ислоҳӣ мутобиқ кард. Ҳангоми омӯзиш тамоми чораҳои пешгирӣ аз хавфи сирояти COVID-19 (ниқобҳо, антисептикҳо ва масофа) риоя карда шуданд.
Курсҳои касбиро шарики лоиҳа, Ташкилоти ҷамъиятии «Ҷаҳон» дар ҳамкории зич бо муассисаи давлатии «Маркази таълими калонсолони Тоҷикистон», ки омӯзгорони курси касбиро таъмин менамояд, ташкил мекунад. Намояндаи Маркази таълими калонсолони Тоҷикистон оид ба касби "Ороиши муй" якчанд савол дод, ки занони маҳкумшуда ба онҳо хеле фаъолона посух доданд. Дар ин чорабинӣ Сардори муассисаи ислоҳии 3 \ 8 низ ширкат варзида, ба занони маҳкумшуда давом додани ин касбро чун дар дохили МИ ва дар озодиро маслиҳат дод ва қайд кард,ки ин касб дар талабот аст ва даромаднок мебошад.
Омӯзгори ин касб чунин қайд кард: «Дар ҷараёни кор ман торафт бештар боварӣ пайдо мекардам, ки гирифтани малакаҳои касбӣ барои занони маҳкумшуда ин воситаи муҳими афзоиши худбоварӣ аст
Занони маҳкумшудаи МИ 3\8 ш.Норак ороиши мӯйҳои гуногун, раванди ранг кардани мӯйро намоиш доданд ва аҳамияти риояи қоидаҳои бехатариро дар кор қайд карданд.
Мушоҳида карда мешуд, ки ҳамаи занони маҳкумшуда аз курси ороиши мӯй хеле розӣ буданд, зеро ҳама мехостанд чизҳои омӯхтаи худро нишон диҳанд. Баъзе аз онҳо изҳори омодагӣ карданд, ки пас аз озод шудан омодагии худро бо ихтисоси касбкарда оғоз кунанд. Яке аз занони маҳкумшуда гуфт, ки ин касб ва Сертификат ба онҳо дар ёфтани ҷои кор пас аз озодӣ кӯмак мекунад ва ба онҳо имкон медиҳад, ки вазъи иқтисодии худро беҳтар кунанд.
Ҳангоми супоридани Сертификатҳо, намояндаи Маркази таълими калонсолони Тоҷикистон қайд кард, ки ин Сертификатҳо на танҳо дар Тоҷикистон, балки дар тамоми кишварҳои Иттиҳоди Давлатҳои Мустақил низ эътироф карда мешаванд.
Хотиррасон мекунем, ки ин фаъолият дар доираи лоиҳаи «Беҳтар намудани дастрасӣ ба ҳуқуқҳои иҷтимоӣ, иқтисодӣ ва фарҳангии маҳкумшудагон ва собиқ маҳкумшудагон дар Тоҷикистон» (SECRET 3), ки аз ҷониби Иттиҳоди Аврупо ва Вазорати федералии ҳамкории иқтисодӣ ва рушди Олмон маблағгузорӣ мешавад, амалӣ карда мешавад. Лоиҳа аз ҷониби Намояндагии DVV International дар Тоҷикистон дар ҳамкорӣ бо ташкилотҳои маҳаллии ҷомеаи шаҳрвандӣ "Идораи ҳуқуқи инсон ва риояи қонуният" ва "Ҷаҳон" амалӣ карда мешавад.
Барои дарёфти иттилооти муфассал, лутфан муроҷиат намоед ба:
Заррина Халикова, директори Намояндагии DVV International дар Тоҷикистон тавассути почтаи электронии khalikova@dvv-international.tj
Шахло Абдунабизода, директори ТҶ «Ҷаҳон» ngo.jahon@gmail.com