Дар Академияи идоракунии давлатии назди Президенти Ҷумҳурии Тоҷикистон барномаи Curriculum managerALE, ки ба роҳбарони муассисаҳои таҳсилоти ибтидоӣ ва миёнаи касбӣ нигаронида шудааст, оғоз ёфт. Аз 24 ноябр шунавандагон омӯзиши модули дуюмро - «Рушди малакаҳои идоракунии роҳбарони муассисаҳои таҳсилоти касбӣ» идома медиҳанд. Барнома дар ҳамкорӣ бо Кумитаи оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон амалӣ гардида, ба таҳкими иқтидори кадрии низоми таҳсилоти касбӣ равона шудааст. Асоси онро принсипҳои муосири таълими калонсолон ташкил медиҳанд, ки ҳамчун қисми ҷудонашавандаи рушди устувор баррасӣ мешаванд. Омӯзиш тибқи барномаи байналмилалии DVV International Curriculum managerALE гузаронида шуда, самтҳои мавзӯи, аз ҷумла арзёбии ниёзҳо ва банақшагирии стратегӣ, рушди малакаҳои идоракунии дохилӣ ва роҳбарӣ, барқарор намудани робитаҳои касбӣ ва шарикӣ, менеҷменти молиявӣ, инчунин мониторинг ва арзёбии равандҳои таълимиро фаро мегирад. Дар гурӯҳи иштирокчиён роҳбарон ва муовинони директорҳои коллеҷҳо аз шаҳрҳои Душанбе, Ваҳдат ва Гулистон, инчунин аз ноҳияҳои Ҷаббор Расулов ва Панҷ шомил мебошанд. Дар давоми шаш рӯз онҳо болои азхудкунии равишҳои муосир барои идоракунии самараноки муассисаҳои таълимӣ, беҳтарсозии захираҳои молиявӣ ва таҳкими салоҳиятҳои идоракунӣ ва роҳбарӣ кор мекунанд. Амалисозии барнома аҳамияти рушди касбии мунтазами роҳбаронро дар соҳаи маориф таъкид намуда, дар баланд бардоштани сифати омодасозии мутахассисон дар Тоҷикистон саҳм мегузорад. Барнома бо дастгирии Намояндагии DVV International дар Ҷумҳурии Тоҷикистон гузаронида шуда, аз ҷониби Вазорати федералии ҳамкориҳои иқтисодӣ ва рушди Олмон (BMZ) маблағгузорӣ мешавад.
Дар Академияи идоракунии давлатӣ раванди омӯзиши роҳбарон оиди барномаи Curriculum managerALE идома дорад.
