Дар чаҳорчӯбаи лоиҳаи «Тавсеаи ваколатҳои ҷавонон дар расидан ба рушди устувор», ки онро Иттиҳоди Аврупо дастгирӣ мекунад, аз 26 то 28 уми сентябри соли 2017 дар шаҳри Хоруғ Конфронси минтақавӣ бо иштироки намояндагони ташкилотҳои ҷамъиятии ҷавонони давлатҳои ОМ бахшида ба ҷалби ҷавонони Бадахшон ба платформаҳои минтақавии осиёимиёнагии ташкилотҳои ҷавонон баргузор гардид. Чорабинии мазкур тибқи вазифаи №4 лоиҳа- «Бунёди шабакаҳои ташкилотҳои ҷавонон», ки барои ҳамкорӣ ва рушди минтақавӣ дорои аҳамияти ҷаҳонӣ ва стратегӣдорад, ба мал бароварда мешавад.
Мақсад аз доир намудани чорабинии мазкур- мусоидат ба фаъолияти шабакавӣ ва ба ҳамбастагии миёни сатҳҳои гуногуни бахши давлатӣ ва дигар бахшҳои ҷомеа дар раванди қабули қарорҳо оид ба идоракунии захираҳо мебошад, ки ба таҳкими эътимод нигаронида шудааст. Ҳамчунин огоҳкунии ҷонибҳои манфиатдор оид ба вазъи иҷроиши фаъолияти лоиҳа, оид ба сабақу таҷрибаи бадастомада, инчунин ба нақшаҳои фаъолият дар соли ниҳоии лоиҳа дар назар аст.
Натиҷаҳои интизорӣ:
Натиҷаи аз ҳама матлубтари ин Конфронс- муаррифии ташкилотҳои мавриди таваҷҷӯҳи ҷамъиятии ҷавонони Бадахшон ба шабакаҳои мавҷудаи ташкилотҳои ҷамъиятии ҷавонони кишварҳои Осиёи Марказӣ мебошад, ки ҳадафашон ҳалли мушкилоти ҷавонон, фаъолгардонии нақш ва иштироки онҳо дар тамоми равандҳои ҷамоаҳои худ; муҳокима намудани механизмҳои мушаххас ва самарабахш барои оғози лоиҳаҳои фаромарзӣ ва нигоҳдории ин шабакаи ғайрирасмӣ мебошад.
Маълумоти умумӣ. Моҳи марти соли 2015, Муассисаи ҳамкориҳои байналмилалии Ассотсиатсияи таълими калонсолони Олмон (DVV International) бо дастгирии Иттиҳоди Аврупо як лоиҳаи 3-солаеро бо номи «Тавсеаи ваколатҳои ҷавонон оид ба рушди устувор ва тағйирот” оғоз намуд, ки он дар доираи барномаи “Ширкат дар сулҳофаринӣ”-и Иттиҳоди Аврупо амалӣ карда мешавад. Лоиҳаи мазкур аз тарафи Иттиҳоди Аврупо (494 096 евро=80%) ва Вазорати федералии Олмон оид ба ҳамкориҳои иқтисодӣ ва рушд (130 904 евро=20%), маблағгузорӣ мешавад. Фаъолияти лоиҳа 7 ноҳияҳои ВМКБ ва маркази оншаҳри Хоруғро дар бар мегирад.