Семинари омӯзишии серӯза оид ба назария ва амалияи банақшагирии стратегӣ барои ташкилотҳои шарики «Идораи ҳуқуқи инсон ва риояи қонуният» ва «Ҷаҳон» баргузор гардид. Ин чорабинӣ рӯзҳои 23-25 феврали соли 2021 дар шаҳри Душанбе баргузор гардид. Ин семинар аз тарафи тренери ботачрибаи маҳаллӣ гузаронд шуд. Дар семинар 14 нафар намояндагони ташкилотҳои шарикӣ иштирок варзиданд.
Ташкилкунандагони ин чорабинӣ Намояндагии Институти ҳамкории байналмилалии Ассотсиатсияи донишгоххои халкии Олмон (DVV International) дар Тоҷикистон мебошад. Чорабинии мазкур дар доираи лоиҳаи "Беҳтар намудани дастрасӣ ба ҳуқуқҳои иҷтимоӣ, иқтисодӣ ва фарҳангии маҳкумшудагон ва собиқ маҳкумшудагон дар Тоҷикистон" (SECRET 3 ), ки аз ҷониби Иттиҳоди Аврупо ва Вазорати федералии ҳамкории иқтисодӣ ва рушди Олмон маблағгузорӣ мешавад,гузаронда шуд.
Ҳар як ташкилот метавонад аз раванди банақшагирии стратегӣ манфиат гирад. Ин самаранокии ташкилотро тавассути содда кардани амалиёт, идораи вақт ва истифодаи дурусти захираҳо беҳтар мекунад.
Дар давоми семинар, ҳар як ташкилоти шарик бо кӯмаки тренер нақшаҳои стратегии худро барои 3 соли оянда тарҳрезй намуданд. Иштирокчиёни семинар моҳияти чорабиниро қайд карданд, зеро онҳо бояд нақшаҳои стратегии худро бо назардошти хавфҳои COVID-19 таҳия кунанд ва чӣ гуна хатарҳоро бартараф кунанд. Иштирокчиёни семинар нақшаҳои стратегиро бо назардошти омилҳои асосии зерин таҳия карданд: таҳлили муҳит, донорҳо / муштариён, шарикон, рақибон, имконот ва монеаҳо, тарафхои қавӣ ва сустиҳои ташкилот, омилҳои асосии муваффақият, гузоштани ҳадафҳои стратегӣ, ташхиси ғояҳои лоиҳа, ҷамъоварии маблағ, нақшаи корӣ - ҷадвали татбиқи нақшаи стратегӣ.
Ҳама иштирокчиён арзиши банақшагирии стратегиро муҳокима карданд. Тренер ба онҳо кӯмак кард, ки онхо дурнамо, биниш ва ҳадафҳои асосии худро муайян намоянд. Семинари банақшагирии стратегӣ ба кормандони ташкилотҳои шарик, аз ҷумла филиалҳои онҳо, имкон дод, ки дониш ва малакаҳои банақшагирӣ гиранд ва дар таҳия, такмил, тасдиқ ва татбиқи ин нақшаҳои стратегии миёнамӯҳлат ширкат варзанд. Дар натиҷаи семинар, нақшаҳои стратегии сесола барои ду ташкилоти шарик бо мақсади таъмини устувории ташкилот таҳия карда шуд.