29 марти соли 2021, дар муассисаи ислоҳии 3\6, воқеъ дар ноҳияи Ёвон 35 мардони маҳкумшуда курси банақшагирии тиҷоратро, ки 42 соати академиро дар бар мегирифт, ба итмом расонданд. Ба ҳамаи иштирокчиёни курси номбаршуда сертификатҳо супорида шуданд. Курсҳо ба такмили малакаҳои соҳибкории маҳкумшудагон ва тайёр кардани онҳо барои мустақилона таҳия намудани идеяҳо ва нақшаҳои тиҷоратӣ мусоидат кард. Иштирокчиёни курси банақшагирии тиҷорат нозукиҳои оғози тиҷорати навро ва талаботи қонунҳои маҳаллии андозро омӯхтанд. Инчунин, ин курсҳо ба маҳкумшудагон имкониятхои пул кор карданро ва сатҳи даромаднокии худро баланд бардоштанро фароҳам овард. Қайд намудан чоиз аст, ки ин курсхо ба маҳкумшудагон дар ҳамгироии иҷтимоӣ ба ҷомеа ва идома додани ҳаёти худ бо риояи қонунҳо ва тартиботи ҷамъиятӣ мусоидат намуд.
Мардони маҳкумшуда имконият доштанд, ки дар асоси шаблонҳои нақшаи тиҷоратии ташкилотҳои дахлдоре, ки грантҳо ва қарзҳо медиҳанд, таҳияи нақшаҳои тиҷоратро амалӣ кунанд.
Омӯзгорони ин курсҳо барномаҳои таълимии худро бо назардошти режими муассисаи ислоҳӣ мутобиқ карданд. Ҳангоми омӯзиш тамоми чораҳои пешгирӣ аз хавфи сирояти COVID-19 (ниқобҳо, антисептикҳо ва масофа) риоя карда шуданд.
Курсҳои банақшагирии тиҷорат аз ҷониби ТҶ "Ҷаҳон" дар ҳамкорӣ бо Институти ҳамкориҳои байналмилалии Ассотсиатсияи Олмон оид ба таҳсилоти калонсолон (DVV International) дар Тоҷикистон дар доираи лоиҳаи "Беҳтар намудани дастрасӣ ба ҳуқуқҳои иҷтимоӣ, иқтисодӣ ва фарҳангии маҳкумшудагон ва собиқ маҳкумшудагон дар Тоҷикистон" (SECRET 3 ), ки аз ҷониби Иттиҳоди Аврупо ва Вазорати федералии ҳамкории иқтисодӣ ва рушди Олмон маблағгузорӣ мешавад,гузаронданд. Лоиҳа аз ҷониби Намояндагии DVV International дар Тоҷикистон дар ҳамкорӣ бо ташкилотҳои маҳаллии "Идораи ҳуқуқи инсон ва риояи қонуният" ва "Ҷаҳон" амалӣ карда мешавад.
Барои дарёфти иттилооти муфассал, лутфан муроҷиат намоед ба:
Заррина Халикова, директори Намояндагии DVV International дар Тоҷикистон тавассути почтаи электронии khalikova@dvv-international.tj
Шахло Абдунабизода, директори ТҶ «Ҷаҳон» ngo.jahon@gmail.com