Чорабинии "Шоми Душанбе": Пешбурди таҳсилоти калонсолонро дар Осиё!
Намояндагии DVV International дар Тоҷикистон дар ҳамкорӣ бо Ассотсиатсияи таҳсилоти калонсолони Тоҷикистон (AEAT) чорабинии «Шоми Душанбе»-ро, 6 апрели соли 2025 дар меҳмонхонаи Серена Душанбе баргузор намуд.
Мақсади чорабинӣ: фароҳам овардани фазои муколамаи кушод, табодули таҷрибаи пешқадам ва муайян кардани уфуқҳои нав барои рушди системаи таҳсилоти калонсолон.
Чорабинӣ бо барномаи пурмуҳтаво оғоз ёфт, ки бо суханҳои ифтитоҳии дилнишин ва муносиб заминаи муфассали муколамаро фароҳам овард.
- Дар ибтидо, Заррина Холиқова - директори Намояндагии DVV International дар Тоҷикистон, бо суханони пурмазмун ба хушомадӣ пардохта, аҳамияти ҳамкориҳои дарозмуддат ва самарабахши шарикони DVV International дар соҳаи таҳсилоти калонсолонро таъкид намуд. Вай нақши калидии ташаббусҳои муштаракро дар рушди нерӯи аҳолии калонсоли Тоҷикистон қайд кард, ки ин як қадами муҳим дар роҳи рушди устувор мебошад.
- Галина Веремейчик, директори минтақавии DVV International дар Осиёи Марказӣ андешаҳои худро дар бораи нақши таҳсилоти калонсолон дар заминаи чолишҳо ва имкониятҳои минтақавӣ баён намуда, аҳамияти мутобиқсозии барномаҳои таълимӣ ба ниёзҳои воқеияти тағйирёбандаи минтақаи моро таъкид намуд.
Лаҳзаҳои махсуси шом:
- Суханронии Уве Гартеншлагер, директори DVV International, ки дар доираи сафари корӣ аз Душанбе дидан кардааст. Рамзи он аст, ки маҳз Уве Гартеншлагер ҳамроҳ бо Субхон Ашӯров дар ибтидои таъсиси Ассотсиатсияи таҳсилоти калонсолони Тоҷикистон ҳанӯз дар соли 2007 қарор дошт. Ҷаноби Гартеншлагер дурнамои глобалиро оид ба мушкилот ва имкониятҳои таҳсилоти калонсолон пешниҳод намуда, ба зарурати бознигарии равишҳо дар соҳаи маориф дар заминаи рақамисозӣ ва чолишҳои глобалӣ таваҷҷӯҳ зоҳир намуд. Ба андешаи ӯ, дар калонсолон инкишоф додани малакаҳои зарурӣ барои мутобиқ шудан ба шароити зудтағйирёбандаи бозори меҳнат, тафаккури интиқодӣ барои муқобила бо маълумоти бардурӯғ ва сифатҳои роҳбарӣ барои бунёди ҷомеаи устувор ва одилона муҳим аст. ➡️ Дар бораи равиши DVV International ба таҳсилоти калонсолон маълумоти бештар гиред: www.dvv-international-central-asia.org/ru/
- Роҳбари ташкилоти чамъиятии «Бюрои хуқуқи инсон ва волоияти қонун» Наргис Зокирова дар бораи кори серсоҳаи ташкилоти худ накл кард. Вай дар бораи фаъолияти созмон дар самти мониторинги ҳуқуқҳои табақаҳои осебпазири ҷомеа ва таъмини дастрасии онҳо ба адолат маълумоти муфассал дод. Наргис мисолҳои мушаххасеро аз лоиҳаҳои бомуваффақияти Бюро дар соҳаи ёрии ҳуқуқӣ ва таълими ҳуқуқӣ пешниҳод намуд. ➡️ Маълумоти бештар дар бораи фаъолияти Бюрои ҳуқуқи инсон ва волоияти қонун: www.bhr.tj
- Ҷамшед Қуддусов, раиси Раёсати Ассотсиатсияи таҳсилоти калонсолони Тоҷикистон, фаъолияти имрӯзаи Ассотсиатсияи таҳсилоти калонсолони Тоҷикистон (АТКТ) ва дастовардҳои асосии як соли охирро муаррифӣ намуд. Вай ба ҳамкориҳои стратегӣ бо DVV International, ки имкон дод, ҷуғрофиёи фаъолиятҳои AТКТ ва роҳандозии барномаҳои нави таълимӣ барои шунавандагони калонсолонро таъкид намуда, ҳамаи ҷонибҳои манфиатдорро ба ҳамкорӣ даъват намуд. ➡️ Барои гирифтани маълумоти бештар дар бораи лоиҳаҳои мо ба ин саҳифа ворид шавед: aeat.tj
- Роҳбари ТҶ «Саодат» Манзура Султонова оид ба фаъолияти ташкилот, ки аз соли 1999 дар сатҳи ҷумҳурӣ фаъолият намуда, дастрасии аҳолии деҳотро бо кӯмаки иҷтимоӣ ва оби тозаи ошомиданӣ таъмин менамояд, маълумот дод. Ташкилот дар ҳамкорӣ бо DVV International Tajikistan аз соли 2020 то соли 2024 як қатор лоиҳаҳоро бомуваффақият амалӣ намуд, аз ҷумла таъсиси Маркази таълимӣ (ММТ) дар ш. Гулистон. Марказ ба сокинон доираи васеи барномаҳои таълимӣ, аз ҷумла, ошпазӣ, дӯзандагӣ, таъмири телефону асбобҳо, саводи компютерӣ ва омӯзиши забонҳоро пешниҳод мекунад. Ташкилоти ҷамъиятии «Саодат» инчунин дар лоиҳаи «Кӯшишҳои муштарак – роҳ ба сӯйи рушди устувор дар Осиёи Марказӣ», ки ба мусоидат ба ташаккули фарҳанги сулҳ дар водии Фарғона нигаронида шудааст, фаъолона иштирок мекунад. ➡️ Барои гирифтани маълумоти бештар дар бораи лоиҳаҳо: http://ngo-saodat.tj/projects.html
Пас аз анҷоми қисми расмии чорабинӣ баҳси ҷолиб ва муоширати ғайрирасмӣ сурат гирифт, ки дар он иштирокчиён тавонистанд фикру андеша ва таҷрибаи худро мубодила кунанд. Баҳс ба нақши таҳсилоти калонсолон дар давраи тағироти ҷаҳонӣ, стратегияҳои ҳамгироии гурезаҳо ва муҳоҷирон ба ҷомеа ва аҳамияти рушди малакаҳои рақамӣ дар байни калонсолон дахл кард.
Мо ба ҳамаи иштирокчиён барои саҳми арзандаашон дар рушди таҳсилоти калонсолон миннатдории самимии худро баён мекунем!
Чорабинии мазкур бо дастгирии Намояндагии институти ҳамкории байналмилалии Ассосиатсияи халқии Олмон дар Ҷумҳурии Тоҷикистон, ки аз ҷониби Вазорати федералии ҳамкориҳои иқтисодӣ ва рушди Олмон (BMZ) маблағгузорӣ мешавад, баргузор гардид.