29 январи соли 2021, дар муассисаи ислоҳии 3 \ 6, воқеъ дар ноҳияи Ёвон, барои мардони маҳкумшуда аз рӯи ихтисоси"Дуредгар" ва "Кафшергари газ" 2 имтиҳон ташкил карда шуд.
Моҳи декабри соли 2020 дар доираи лоиҳаи "Беҳтар намудани дастрасӣ ба ҳуқуқҳои иҷтимоӣ, иқтисодӣ ва фарҳангии маҳкумшудагон ва собиқ маҳкумшудагон дар Тоҷикистон" (SECRET-3), раванди таълими касбии 2 гурӯҳи мардони маҳкумшуда дар муассисаи ислоҳии 3\6 аз рӯи ихтисоси “Дуредгар" ва "Кафшергари газ"оғоз ёфт. Омӯзгорони ин касбҳо барномаҳои таълимии худро бо назардошти режими муассисаи ислоҳӣ мутобиқ карданд. Ҳангоми омӯзиш тамоми чораҳои пешгирӣ аз хавфи сирояти COVID -19 (ниқобҳо, антисептикҳо ва масофа) риоя карда шуданд.
10 нафар шунавандагони курси касбии "Дуредгар" ва 13 нафар шунавандагони курси касбии "Кафшергари газ" дар ҷараёни таълим дониши назариявии бадастовардаро дар коргоҳҳои дахлдор, ки таҷҳизоти махсуси дуредгарӣ ва кафшеркунии газ доранд, санҷиданд. Иштирокчиёни курсҳо мебели ошхона, курсиҳо ва дигар маҳсулоти худро намоиш доданд.Мардони маҳкумшуда дар вакти имтиҳонҳо зарурати гирифтани чунин касбҳоро қайд карданд, зеро дар кишвар корҳои сохтмонӣ бо суръати баланд ҷараён доранд ва ниёз ба касбҳои дуредгар ва кафшергари газ пайдо мешавад. Онҳо инчунин ҳавасмандии баландашонро барои иштирок дар дигар чорабиниҳои омӯзишии лоиҳа, алалхусус дар курсҳои банақшагирии тиҷорат ва коркарди лоиҳа кайд намуданд. Ин ба онҳо имконият медиҳад, ки пас аз озодӣ роҳи бехтарро пайдо кунанд.
Курсҳои таълимиро шарики лоиҳа Ташкилоти Чамиятии «Ҷаҳон» дар ҳамкории зич бо филиали муассисаи давлатии "Маркази таълими калонсолони Тоҷикистон" дар нохияи Ёвон ташкил карданд. Филиали муассисаи давлатии "Маркази таълими калонсолони Тоҷикистон” омӯзгорони курсхои касбиро таъмин намуданд.
Ҳангоми супоридани Сертификатҳо, Директори филиали “Маркази таълими калонсолони Тоҷикистон” дар н.Ёвон қайд кард, ки ин Сертификатҳо на танҳо дар Тоҷикистон, балки дар тамоми кишварҳои Иттиҳоди Давлатҳои Мустақил низ эътироф дорад.
Хотиррасон мекунем, ки ин фаъолият дар доираи лоиҳаи «Беҳтар намудани дастрасӣ ба ҳуқуқҳои иҷтимоӣ, иқтисодӣ ва фарҳангии маҳкумшудагон ва собиқ маҳкумшудагон дар Тоҷикистон» (SECRET-3), ки аз ҷониби Иттиҳоди Аврупо ва Вазорати федералии ҳамкории иқтисодӣ ва рушди Олмон маблағгузорӣ мешавад, амалӣ карда мешавад. Лоиҳа аз ҷониби Намояндагии DVV International дар Тоҷикистон дар ҳамкорӣ бо ташкилотҳои маҳаллии ҷомеаи шаҳрвандӣ "Идораи ҳуқуқи инсон ва риояи қонуният" ва "Ҷаҳон" амалӣ карда мешавад.
Барои дарёфти иттилооти муфассал, лутфан муроҷиат намоед ба:
Заррина Халикова, директори Намояндагии DVV International дар Тоҷикистон тавассути почтаи электронии khalikova@dvv-international.tj
Шахло Абдунабизода, директори ТҶ «Ҷаҳон» ngo.jahon@gmail.com